Кім жақын, не қымбат, не қиын?

207

Бір адам Қазыбек биге: «Кім жақын, не қымбат, не қиын?» деген үш сұраққа жауап беруді өтініпті. Сонда би оған былай үн қатыпты:

-Тату болса, ағайын жақын,
Ақылшы болса, апайың жақын.
Бауырмал болса, інің жақын,
Алдыңа тартқан адал асын,
Қимас жақын – қарындасың,
Сыбайлас болса, нағашың жақын.
Адал болса, досың жақын,
Еркелейтін немерең жақын.
Жан серігің жас кезіңнен
Бәрінен де әйелің жақын.

-Алтын ұяң – Отан қымбат,
Құт берекең атаң қымбат.
Аймалайтын анаң қымбат,
Мейірімді апаң қымбат.
Асқар тауың – әкең қымбат,
Туып өскен елің қымбат.
Ұят пенен ар қымбат,
Өзің сүйген жар қымбат.

-Арадан шыққан жау қиын,
Таусылмайтын дау қиын.
Шанышқылаған сөз қиын,
Дәл осындай жағдайда,
Пана болмас өз үйің.
Жазылмаса дерт қиын,
Іске аспаған серт қиын.
Ақылыңнан адасып,
Өзің түскен өрт қиын.
Не істеріңді біле алмай,
Ашиды сонда бас, миың.

Қазыбек би

7 пікір

  1. Бұл өте күшті жазылған , мен бұны әдебиет дәптеріне жазып алдым , мен 4-ші сыныппын , апайым осы мәлімет туралы жазып келсың деп еді мен осыны тауып алдым да дәптерге жазып алдым. КҮШТІ

Пікір жазу

Email адресіңіз жарияланбайды. * өрістерді міндетті түрде толтырыңыз