Жұмақ жайлы… Жұмақтағы отбасылық өмір (№1)

679

Жұмақ жайлы…

        Жұмақ – Алланың ізгі құлдарына нәсіп еткен нығметі, ең әсем, ең көркем мәңгілік бақыт мекені. Ендеше, бұл бау-бақшасы жайқалған, жанға жайлы әсем мекенге кімдер лайықты, оның үлкендігі қандай, ондағылар бірін-бірі көре ме, отбасылық өмір бар ма, ас-су іше ме? Бұл жайлы Қасиетті Құран мен ардақты Пайғамбарымыздың (с.ғ.с.) хадистерінен біле аламыз.

 

  1. Жұмақтағы отбасылық өмір

Жәннатта мүмін ата-аналар, балалары, ер мен әйелдің бірге болатыны жайлы Қасиетті Құранда:

«(Қисапсыз нығметке толы мәңгілік шаттық мекені) Адн жұмақтары: Бұл жұмақтарға олармен бірге ата-аналары, ата-бабалары, жұбайлары және ұрпақтарының ішіндегі ізгі жандар да кіреді. Періштелер әр есіктен кіріп келіп оларға былай деп тіл қатады:

(Дүниедегі қиыншылықтарға) сабырлылық танытқандарың үшін сендерге: «Сәләмун аләйкум!» деп тыныштық, есендік тілейміз! Осынау ақырғы ақирет мекені қандай керемет!» делінген («Рағыд» сүресі, 23-24-аяттар).

«Олар онда қаз-қатар тізілген жайлы орындықтарға шалқая түсіп, жайғасып отырады. Сондай-ақ, оларға құралай көз хор қыздарынан пәк жұбайлар нәсіп етеміз.

Ал иман еткен, сондай-ақ, ұрпақтары да өздеріне еріп имандылық жолына түскен мүміндерге келсек, Біз оларды (жұмақта) ұрпақтарымен қауыштырамыз және сол үшін олардың игі істерінің сауабын титтей де кемітпейміз…» («Тур» сүресі, 20-21-аяттар).

Ондағылар бір-бірімен тілдесіп, әңгіме-дүкен құрады, ойнап-күліп, көңіл көтереді, бірақ бос сөз, күнә атаулыдан, әлбетте, аулақ болады.

 

Қазынамен тең әйел (Әйелдер жайлы қырық хадис. 13 хадис)

Құран адамның әлсіз тұстары жайлы «1»

Күндізгі әлсіздік пен ұйқышылдықты жоюдың ең оңай жолы

Су жайлы ең қызықты фактілер

Пікір жазу

Email адресіңіз жарияланбайды. * өрістерді міндетті түрде толтырыңыз