Жаман түс көрсеңіз қам жемеңіз!

815

Адамның көрген түсі оның өміріне әсер етеді. Ал оның әсері көбінесе жорығанға байланысты. Қазақта «Түсті көруінен емес, жоруынан» деген жақсы сөз бар. Ардақты Пайғамбарымыздың да өз түстерін жорығанын білеміз. Мысалы, Әнәс ибн Мәликтен (р.а.) жеткен мынадай бір хадис бар. Ол: «Алла елшісі (с.ғ.с.):  «Бір  түні  түс  көрдім.  Мен  Уқба  ибн  Рафиғтің  ауласында екенмін  деймін.  Сонда  бізге  Ибн  Табтың  жас  піскен  құрмаларынан бірнеше құрма әкелінді. Мен мұны осы дүниеде жоғары өрлейтінімізге, Ақыретте игі нәтижеге жететінімізге және дініміздің көркейетіндігіне жорыдым», – деді», – деген (Сахих Мүслим). Көрдіңіз, түсті игілікке жорыған. Түс доруда дүние ғана емес, ақырет те назарға алынған. Бұл, әлбетте, түс туралы өте терең түсінік.

Ал енді кейде адамдардың өз түсінен шошып жүргенін де көреміз. Оларға да Алла елшісінен (с.ғ.с.) жеткен өсиет бар. Әбу Сәләмәдан жеткен хадисте былай делінеді. Ол: «Әбу Қатаданың (р.а.): «Алла елшісінің (с.ғ.с.): «Игі түс – Алладан, ал шым-шытырық түс – шайтаннан.  Әлдекім  өзіне  ұнамайтын түс көрсе,  сол жағына  үш  рет дем үрлесін және оның кесірінен Аллаһқа сиынып пана сұрасын, сонда ол оған ешқандай зиян келтірмейді», – дегенін өз құлағыммен тыңдадым», – деп айтқанын естідім», – деген (Мұхтасар Сахих Мүслим, ІІ том, 210-бет. Хадис № 1522).

Бұл мұсылман өмірінде түс көрудің де өзіндік әдебі бар екенін көрсетеді. Осы хадисті оқып білген соң, қандай түс көрсеңіз де, уайымдамасаңыз болады. Көрген түсіңізді тек қана жақсылыққа жорисыз. Нашар түс көрсеңіз лағынеті шайтаннан Аллаға сыйынып, сол жағыңызға түкіресіз. Бар болғаны осы.

Асылбек Әуезханұлы

Ана деген осындай!

Жетімнің қамын ойласаң, Жесірдің көңілі жұбанар…

Құрсағыңызда бала болса…

Тек қана ер-азаматтар үшін!

Пікір жазу

Email адресіңіз жарияланбайды. * өрістерді міндетті түрде толтырыңыз