Ер адам табысын ең бірінші қайда жұмсауы тиіс?

75

Қазіргі таңда көптеген жанұялардағы жанжал ақшамен байланысты екені белгілі. Оның ішінде ер мен әйелдің тапқан табыстарын өз ата-аналарына беруінен ұрыс-керіс туындап жататыны да бар.

Алайда ерлі-зайыптылардың сол үшін ренжіскендері дұрыс па?

Бұл тұрғыда дініміз ата-анаға қамқорлық көрсету – толыққанды, ақыл-есі толысқан әрбір азаматтың міндеті деп санайды.

Қасиетті Құранда: «Раббың бір Өзіне ғана құлшылық етуді, ата-анаға барынша жақсылық жасауды үкім етті. Егер олардың біреуі немесе екеуі бірдей қолыңда қартайса, (оларды ауырсынып немесе жақтырмаған сыңай танытып), тіпті: «Түу», – деп те кеюші болма, сондай-ақ оларға зекіп ұрыспа! Керісінше, оларға жағымды жылы сөз айт!», – делінген («Исра» сүресі, 23-аят).

Әрине, ата-ананың жағдайын жасау ең бірінші ер адамның мойнында. Бірақ бұл әйел адамның (тұрмыстағы) өз ата-аналарына тапқан табысынан материалды көмек беруіне болмайды деген сөз емес. Ерлі-зайыптылардың екеуі де ата-аналарына тең дәрежеде көмек көрсетулері тиіс. Ал егер әйел жұмыс істеп, өзі табыс таппайтын болса, күйеуінің рұқсатынсыз оның ақшасынан өзінің әке-шешесіне көмек көрсете алмайды.

Әйелі, балаларының киерге киімі, жерге тамағы болмай тұрып, ер адам барлық ақшасын ата-анасына (өте қиын жағдайда болмаса, екеуінің біреуі ауырып қалмаса) беруі тағы дұрыс емес.

Негізінен, «менің әке-шешем», «сенің әке-шешең» деп бөле жармай, ерлі-зайыптылар өзара ақылдасып, келісіп, өздеріне жетіп, мүмкіндіктері болып жатса, әрине, екі жақтың да ата-анасына барынша көмек көрсетіп тұрулары тиіс және мәселе тек материалдық көмекте емес.

Суды тұрып ішудің зияны қандай?
Стюардессалардың қолын арқасына қойып алуының себебі неде?
Өзімен өзі сөйлеу нені білдіреді?
Біреудің сізге өтірік айтқанын қалай білуге болады?
Бір рет қайнаған суды қайта қайнатпаңыз, себебі…

2 пікір

Пікір жазу

Email адресіңіз жарияланбайды. * өрістерді міндетті түрде толтырыңыз